ഖത്തർ : ഖത്തറിലെ ക്യാമ്പിംഗ് സീസണിൽ, ക്യാമ്പർമാർ പരിസ്ഥിതി സംരക്ഷണത്തിനും സുരക്ഷാ മാർഗ്ഗനിർദ്ദേശങ്ങൾ കർശനമായി പാലികാണാമെന്നും , നിരവധി ഖത്തറി ക്യാമ്പർമാർ ഇതിനകം തന്നെ വിന്റർ സീസണിനായി അവരുടെ സൈറ്റുകൾ തയ്യാറാക്കിയിട്ടുണ്ടെന്നും ഇവിടെ പരിസ്ഥിതിയെ പ്രതികൂലമായി ബാധിക്കുന്ന ദോഷകരമായ പ്രവർത്തനങ്ങൾ എല്ലാവരും ഒഴിവാക്കണമെന്നും മന്ത്രാലയം അഭ്യർത്ഥിച്ചു.
പരിസ്ഥിതിയെ പിന്തുണയ്ക്കുന്നതിനായി ക്യാമ്പ് ചെയ്യുന്നവർ ഈ സമയം പ്രകൃതിയോട് നല്ല സമീപനം സ്വീകരിക്കുകയും പ്രാദേശിക ഭൂപ്രകൃതിക്ക് അനുയോജ്യമായ മരങ്ങൾ നട്ടുപിടിപ്പിക്കുന്നതും പ്രദേശത്തെ പ്രകൃതിദത്തമായ പച്ചപ്പിന് കേടുപാടുകൾ വരുത്താതിരിക്കാൻ ശ്രദ്ധികാണാമെന്നും നിർദേശിച്ചു.
ആസ്വാദ്യകരവും അപകടരഹിതവുമായ ക്യാമ്പിംഗ് സീസണിനായി സുരക്ഷാ നിയമങ്ങൾ പാലികാണാമെന്നും ഉയർന്ന നിലവാരമുള്ള ഉപകരണങ്ങൾ, സുരക്ഷിതമായ ഇലക്ട്രിക്കൽ വയറിംഗ്, കാറ്റുള്ള സ്ഥലങ്ങളിൽ തുറസായി തീ കത്തിക്കുന്നത് ഒഴിവാക്കൽ, സുരക്ഷിതമായ എൽഎൻജി സിലിണ്ടറുകൾ നിയുക്ത സ്ഥലങ്ങളിൽ മാത്രം ഉപയോഗിക്കൽ എന്നിവ നിർദേശങ്ങളിൽ ഉൾപ്പെടുന്നു.
ഖത്തറിൻ്റെ പരിസ്ഥിതി സംരക്ഷിക്കുന്നതിന് പരിസ്ഥിതി കാലാവസ്ഥാ വ്യതിയാന മന്ത്രാലയത്തിൻ്റെ മാർഗനിർദേശങ്ങൾ ക്യാമ്പംഗങ്ങൾ അനുസരിക്കണമെന്ന് നാസർ അൽ നുഐമി ഊന്നിപ്പറഞ്ഞു. എല്ലാവരുടെയും സുരക്ഷ ഉറപ്പാക്കാൻ സ്റ്റണ്ട് ഡ്രൈവിംഗ് ഒഴിവാക്കാനും ടെൻ്റിനുള്ളിൽ തീ കത്തിക്കുന്നത് ഗുരുതരമായ അപകടങ്ങൾക്ക് കാരണമാകുമെന്ന് അദ്ദേഹം മുന്നറിയിപ്പ് നൽകി.
ക്യാമ്പർമാർ എൽഎൻജി സിലിണ്ടറുകൾ ശ്രദ്ധാപൂർവം കൈകാര്യം ചെയ്യണമെന്നും ഇവ നേരിട്ടുള്ള സൂര്യപ്രകാശത്തിൽ നിന്നും തീയിൽ നിന്നും ചൂടിൽ നിന്നും അകറ്റി നിർത്തണമെന്നും ,വിദഗ്ധരെ ഉപയോഗിച്ച് ഇലക്ട്രിക്കൽ വയറിംഗ് സ്ഥാപിക്കണമെന്നും സുരക്ഷയ്ക്കായി പതിവായി പരിശോധിക്കണമെന്നും ,പരിസരം വൃത്തിയായി സൂക്ഷിക്കാനും നിശ്ചിത സ്ഥലങ്ങളിൽ മാത്രം മാലിന്യം സംസ്കരിക്കാനും അഹമ്മദ് അൽ-സാഹലി ഉപദേശിച്ചു.
ശൈത്യകാല ക്യാമ്പിംഗ് സീസൺ ചെറുപ്പക്കാർക്ക് അവരുടെ പൂർവ്വികർ ചെയ്തതുപോലെ പ്രകൃതിയെ അനുഭവിക്കാനും പ്രകൃതിദൃശ്യങ്ങൾ സംരക്ഷിക്കാനും പരിസ്ഥിതിക്ക് ഹാനികരമായ പ്രവർത്തനങ്ങൾ ഒഴിവാക്കാനും കിഫ അൽ-ദോസരി അഭ്യർത്ഥിച്ചു.
