കുവൈത്ത് സിറ്റി: തീർഥാടകർക്കുള്ള രജിസ്ട്രേഷൻ സമയപരിധി നാളെ ഉച്ചയ്ക്ക് 12 ന് അവസാനിക്കുമ്പോൾ, ഓൺലൈൻ ഹാജി പ്ലാറ്റ്‌ഫോം വഴി സമർപ്പിച്ച 30,000 അപേക്ഷകൾ എൻഡോവ്‌മെൻ്റ് ഇസ്ലാമിക് അഫയേഴ്‌സ് മന്ത്രാലയം തരംതിരിക്കാൻ തുടങ്ങി. നിർദ്ദിഷ്ട വ്യവസ്ഥകളും മുൻഗണനകളും അടിസ്ഥാനമാക്കി ഈ വർഷം 8,000 കുവൈത്ത് പൗരന്മാരെ ഹജ്ജ് ചെയ്യാൻ തെരഞ്ഞെടുക്കും. സോർട്ടിങ് പ്രക്രിയ അപേക്ഷകരെ മൂന്ന് പ്രായ വിഭാഗങ്ങളായി തരംതിരിക്കുന്നു. ഓരോ വിഭാഗത്തിലെയും മുതിർന്നവർക്ക് മുൻഗണന നൽകുന്നു. ആദ്യ ഗ്രൂപ്പിൽ 60 വയസ്സിനു മുകളിലുള്ള വ്യക്തികളും രണ്ടാമത്തെ ഗ്രൂപ്പിൽ 35 മുതൽ 59 വയസ്സുവരെയുള്ളവരും മൂന്നാമത്തെ ഗ്രൂപ്പിൽ 34 വയസ്സിന് താഴെയുള്ള അപേക്ഷകരും ഉൾപ്പെടുന്നു. മാതാവ്, കുവൈത്ത് ജീവിതപങ്കാളി, കുവൈത്ത് സ്ത്രീയുടെ മക്കൾ തുടങ്ങിയ ഫസ്റ്റ്-ഡിഗ്രി കുവൈത്ത് ബന്ധുക്കൾക്കൊപ്പമാണെങ്കിൽ മാത്രമേ പ്രവാസികൾക്ക് രജിസ്റ്റർ ചെയ്യാൻ കഴിയൂവെന്ന് മന്ത്രാലയം സ്ഥിരീകരിച്ചു. വരാനിരിക്കുന്ന ഹജ്ജ് സീസണിൽ 67 കാംപെയ്‌നുകൾക്കും ലൈസൻസുള്ള കമ്പനികൾക്കും മന്ത്രാലയം അംഗീകാരം നൽകി. ഹജ്ജ് പാക്കേജുകൾക്കുള്ള വിലകൾ 1,590 കുവൈത്ത് ദിനാറിൽ ആരംഭിക്കുന്നു, നൽകുന്ന സേവനങ്ങളും തീർഥാടകരുടെ മുൻഗണനകളും അനുസരിച്ച് 18,000 ദിനാർ വരെ ഉയരാം. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/IXIX5nGgCWVEO66RDXbzXR