ഖത്തറിലേക്കുള്ള ആദ്യ യാത്ര നടത്തിയ എംഎസ്‌സി യൂറിബിയ നാലായിരത്തിലധികം യാത്രക്കാരുമായി കഴിഞ്ഞ ദിവസം ദോഹ തുറമുഖത്തെത്തി.

4,576 യാത്രക്കാരും 1,665 ക്രൂ അംഗങ്ങളുമായാണ് എംഎസ്‌സി യൂറിബിയ ഖത്തറിൽ എത്തിയത്. ഒരു ഫോട്ടോ പങ്കിട്ടുകൊണ്ട് മ്വാനി ഖത്തർ അവരുടെ സോഷ്യൽ മീഡിയ ഹാൻഡിലുകളിൽ ക്രൂയിസിന്റെ വരവ് അറിയിച്ചു.

മാൾട്ടയുടെ പതാക വഹിക്കുന്ന 331 മീറ്ററിലധികം നീളവും 43 മീറ്റർ വീതിയുമുള്ള, ക്രൂയിസ് ഈ സീസണിൽ ടെർമിനൽ സന്ദർശിക്കുന്ന ഏറ്റവും വലിയ കപ്പലാണ്. എംഎസ്‌സി ക്രൂയിസിലെ ഇരുപത്തിരണ്ടാമത്തെ കപ്പലായ എംഎസ്‌സി യൂറിബിയക്ക് 6,327 യാത്രക്കാരെ ഉൾക്കൊള്ളാനല്ല ശേഷി ഉണ്ടെന്ന് മ്വാനി ഖത്തർ പറഞ്ഞു.

അത്യാധുനിക മറൈൻ സാങ്കേതികവിദ്യ ഉൾക്കൊള്ളുന്ന കപ്പൽ,എൽഎൻജിയിൽ പ്രവർത്തിക്കുന്ന എംഎസ്‌സി ക്രൂയിസിലെ രണ്ടാമത്തെ കപ്പലാണിത്.

ഖത്തർ ടൂറിസം അവരുടെ 2024-25 ക്രൂയിസ് സീസൺ 2024 നവംബർ ആദ്യ വാരത്തിൽ തുടൻകി. 2024 നവംബറിനും 2025 ഏപ്രിലിനും ഇടയിൽ 95 ക്രൂയിസ് കോളുകളും 430,000-ലധികം യാത്രക്കാരെയും പ്രതീക്ഷിക്കുന്ന ഈ സീസൺ ഇതുവരെയുണ്ടായതിൽ ഏറ്റവും വലുതാണ്.