കുവൈത്ത് സിറ്റി: മയക്കുമരുന്ന് കടത്താന്‍ ശ്രമിച്ച ജോര്‍ദാന്‍ സ്വദേശിയെ കുവൈത്തില്‍ പിടികൂടി. ക്യാപിറ്റല്‍ ഗവര്‍ണറേറ്റ് ഇന്‍വെസ്റ്റിഗേഷന്‍സ് ഡിപ്പാര്‍ട്ട്മെന്റാണ് പിടികൂടിയത്. മയക്കുമരുന്നുകളുടെയും സൈക്കോ ആക്റ്റീവ് മയക്കുമരുന്നുകളുടെയും വ്യാപാരം നിരീക്ഷിക്കുന്നതിനും ചെറുക്കുന്നതിനുമായി ആഭ്യന്തര മന്ത്രാലയത്തിന്റെ നിരന്തരശ്രമങ്ങളുടെ ഭാഗമായാണ് അറസ്റ്റ്. ലിറിക്ക ഗുളികകള്‍ വില്‍ക്കാന്‍ ശ്രമിക്കുന്നതിനിടെ രഹസ്യ ഓപ്പറേഷനിലാണ് പ്രതിയെ പിടികൂടിയത്. ഏകദേശം 500 തരം സൈക്കോ ആക്റ്റീവ് ഗുളികകള്‍ ഇയാളുടെ കൈവശം കണ്ടെത്തി. ഇയാളെയും കണ്ടുകെട്ടിയ സാധനങ്ങളെയും തുടര്‍ നിയമനടപടികള്‍ക്കായി ബന്ധപ്പെട്ട അധികാരികള്‍ക്ക് കൈമാറി. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ…https://chat.whatsapp.com/IXIX5nGgCWVEO66RDXbzXR
