കുവൈത്ത് സിറ്റി: കുവൈത്തിലെ ക്യാമ്പുകളില്‍ വന്‍ തീപിടിത്തം. ഞായറാഴ്ച ഉച്ചയോടെ, പ്രാദേശിക ഉപകരണ വകുപ്പിന്റെ ഫര്‍ണിച്ചറുകളും സ്റ്റേഷനറികളും സൂക്ഷിച്ചിരുന്ന അല്‍-മുബാറക്കിയ ക്യാമ്പുകളിലെ ഗോഡൗണിലാണ് തീപിടിത്തമുണ്ടായത്. സംഭവം പ്രദേശത്തെ സുരക്ഷയെയും അഗ്‌നിശമന പരിപാലനത്തെയും കുറിച്ച് ആശങ്ക ഉയര്‍ത്തിയിട്ടുണ്ട്. സംഭവം അറിഞ്ഞ ഉടന്‍ തന്നെ ആര്‍മി ഫയര്‍ ഡിപ്പാര്‍ട്ട്മെന്റിന്റെ അഗ്‌നിശമന സേനകള്‍ തീ നിയന്ത്രണ വിധേയമാക്കുന്നതായി കരസേനാ മേധാവി അറിയിച്ചു. അഗ്‌നിശമന സേനാംഗങ്ങള്‍ തീ നിയന്ത്രണവിധേയമാക്കാനും നാശനഷ്ടങ്ങള്‍ കുറയ്ക്കാനും സാധ്യമായ എല്ലാ ശ്രമങ്ങളും നടത്തിവരികയാണ്. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ… https://chat.whatsapp.com/IXIX5nGgCWVEO66RDXbzXR
