കുവൈത്ത് സിറ്റി: കുവൈത്തില്‍ പ്രവാസിയെ കൈകള്‍ കെട്ടിയിട്ട് ആക്രമിച്ച പ്രവാസി യുവതി അറസ്റ്റിലായി. രാജ്യത്ത് അടുത്തിടെ ചില സോഷ്യല്‍ മീഡിയ സൈറ്റുകളില്‍ ഒരു വീഡിയോ വൈറലായിരുന്നു. സംഭവത്തില്‍ ഏഷ്യന്‍ വനിതയെ ജനറല്‍ ഡിപ്പാര്‍ട്ട്‌മെന്റ് ഓഫ് ക്രിമിനല്‍ ഇന്‍വെസ്റ്റിഗേഷന്‍സ് അറസ്റ്റ് ചെയ്തു. വീഡിയോയില്‍ പ്രവാസി യുവതി അതേ രാജ്യക്കാരനായ മറ്റൊരാളെ ആക്രമിക്കുകയും കൈകള്‍ കെട്ടിയിട്ട് പീഡിപ്പിക്കുകയും ചെയ്യുന്നത് കാണാം.
രാജ്യത്തിന്റെ സുരക്ഷയും സുസ്ഥിരതയും തകര്‍ക്കാന്‍ ശ്രമിക്കുന്നവര്‍ക്കെതിരെ പോലീസ് നിരീക്ഷണത്തില്‍ തുടരുമെന്നും സമൂഹത്തിന്റെ സുരക്ഷയും നിയമവും ഉറപ്പാക്കാന്‍ ഇത്തരം കുറ്റകൃത്യങ്ങള്‍ തടയാന്‍ ആവശ്യമായ എല്ലാ നിയമ നടപടികളും സ്വീകരിക്കുമെന്നും അധികൃതര്‍ ഊന്നിപ്പറഞ്ഞു. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ…https://chat.whatsapp.com/IXIX5nGgCWVEO66RDXbzXR